سؤال وجواب؟؟؟؟

أهلا بكل أعضاء المنتدى الكرام وزواره

حصل فيوم من الأيام إمتحان وجابوا واحد عبقرى شوية ( نسبة لقبيلة عبقر يعنى) وكان ناصح أوى سألوه شوية أسئلة وطبعا رد عليهم تعالوا نشوف الأسئلة دى والأجوبة :

س- إيه احلى من السمك الفيتنامى؟؟

ج-رغيف العيش بتاع الطابونة اللى نصه دقيق والنص التانى جبس أبيض

س- ما أوجه التشابه بين جاليلوا والموظف المصرى؟؟

ج- حاجة بسيطة أوى :جاليلوا إكتشف إن الأرض " بتلف" والموظف المصرى بيحس أيضا فى اول كل شهر إن الأرض بتلف

س- ليه الشعب المصرى بيسكت على ثرواته المنهوبة؟؟

ج- علشان الشعب ما بيقبلش العوض

س- مالفرق بين بوش والشعب الأمريكى؟؟

ج-هو الفرق بين البوش والبوس

س- إيه الفرق بين إسحاق نيوتن والشعب المصرى؟؟

ج- إسحاق نيوتن اكتشف قانون الجاذبية الأرضية عندما سقطت التفاحة على رأسه ...والشعب المصرى اكتشف قانون الحياة المصرية حينما سقطت المصائب على راسه

س- ما الفرق بين ديدمونة وأى فتاة مصرية؟؟

ج- ديدمونة حبيبها عطيل وأى فتاة مصرية حبيبها عاطل

س-ماذا تتوقع من نتائج انتخابات نادى الزمالك؟؟

ج- أتوقع أن الأهلى يفوز فى الدورى الموسم القادم أيضا

س-ماتعليقك على أوباما الذى رفض أن تقوم فتاة فرنسية بتقبيله؟؟

ج- فين ايام الرئيس إياه..كان زمانه قلع البنطلون

س- بعد عمر طويل ما الأعضاء التى تتمنى أن تتبرع بها؟؟

ج- بعض أعضاء مجلس الشعب

س-ماذا يميز أوباما؟؟

ج- أنه رئيس "مسيحى" لأب "مسلم" وولاء"يهودى" ويحكم العرب

س- ماالتعديل الذى تتمناه فى قانون المرور الجديد؟؟

ج- أن يكون هناك مخالفة غرامتها مليار جنيه وتحرر للحكومة لأنها تسير منذ 30 سنة فى " الاتجاه المعاكس" للغلابة

منقولة من عمود الصحفى محمد الموجى بجريدة الدستور الأسبوعى

Admin: khaled badra

منور يا أبوحميد