حلو ياللى ماشى لشوقى الشيخ

قصيدة عامية لشوقى الشيخ

حلو ياللى ماشى

حلو يااللى ماشى خطوتك عجبانى

سحرتنى عيونك خلتنى واحد تانى

أنا قولت أكلمك علشان أعلمك

تقلت علينا يا غالى من قبل ما افهمك

إنى أنا والله بأدوب فى سحر عنيك السود

وقلبى والله مايل فى حب حضرتك

يا حلو يا اللى ماشى تعجبنى حضرتك

تقلت علينا كتير ....وقلنا بكرة تميل

لكن قلبك ده والله...يظهر مالوش كبير

جرى إيه يا أهل الأسية ....هو إيه مفيش حنية

ده أنا والله بأدوب ....فى سحر عنيه السود

وقلبى والله مايل فى حب حضرتك

حلو ياللى ماشى تعجبنى حضرتك

قصيدة لشوقى الشيخ