قصيدة كيش وعبى ياريس

كيش وعبى يا ريس
ده الشعب كله مهيس
ورث ولادك كويس
حكم القوى على الضعيف

الريح هتيجى فى زمن
تكسر سوارى السفن
وملوش جيوب الكفن
وربيع ملكك خريف

خيطت مصر أكيد
بعت الغاز والحديد
وعملت أهلك عبيد
للفقر وللرغيف

المستخبى أهو بان
لكل حاجة أوان
وكلامى للغلبان

إرمى الجريدة الصفرا
وإقفل قناة المعارضة
وإن شوفتك فى مظاهرة
أكد لى إنى كفيف

إسمع وقول يا سلام
وإنسى الحرام والحلال
سبح بحمد النظام
يا وحش أصبح أليف

شد اللحاف يا بروطة
شد اللحاف وإتغطى
وإفضل لأخر محطة
قرصان لكن شريف

حلقت للأمة كابوريا
جرفتها وخدت اليوريا
وسقتنا ماقولتش هوريا
وليت علينا الحلاليف
مصطفى يونس