الإمتحان

سهران
فى يوم الامتحان
وسرحان
وعنيا بتدور
على كلمة تكتبها
وإيديا تغرز
فى ورقة كتاب
وتقلبها
يمكن تلاقى إجابة
أو تفتح لى
بوابة
أدخل
وأشوف الحل
قاعد ومستنى
بس المراقب
بيشاور بسبابة
ويتاوب
ويسألنى
جبت الكتاب ده
منين
بتغش قدامى
ومدى الطرشة
لكلامى
وبتغنى
ومش عاجبك
وخمسين شيطان
راكبك
وبتقول
إبعدوه عنى
لكن ودقنى
ما هتشوف
ولا كلمة
إنت اللى غاوى
خناق
وبترفص النعمة
أدخل يمينك
وإتعدل
وعنيك ما تحولش
تغطس
فى برشامك
واشوفها
تطلع ما تتبلش
بس القلم
رشق
فى سؤال
ما يتحلش
وأخرتها
سيب اللجنة وسابها
وجه قعد جنبى
وانا
سبت الورق مكتوب عليه
دا مش ذنبى
مصطفى يونس